કીડી સમી ક્ષણો…

કીડી સમી ક્ષણો….

મારા પ્રિય કવિઓ પૈકી એક એવા શ્રી રાજેન્દ્ર શુક્લાજી દ્વારા રચિત,

જીવનની આટીઘૂંટી ને સમજાવતું 

છતાય વહાલું લાગતું કાવ્ય...

કીડી સમી ક્ષણોની આ આવજાવ શું છે?

મારું સ્વરૂપ શું છે, મારો સ્વભાવ શું છે?

ઋતુઓનો રંગ શું છે, ફૂલોની ગંધ શું છે?

લગની, લગાવ, લહરો, આ હાવભાવ શું છે?

લયને ખબર નથી કૈં, આકાર પણ અવાચક,

શું છે રમત પવનની, ડાળીનો દાવ શું છે?

પર્વતને ઊંચકું પણ પાંપણ ન ઊંચકાતી,

આ ઘેન જેવું શું છે, આ કારી ઘાવ શું છે?

પાણીની વચ્ચે પ્રજળે, કજળે કળીકળીમાં,

એનો ઈલાજ શું છે, આનો બચાવ શું છે?

ચિંતા નથી કશી પણ નમણાં નજૂમી કહી દે,

હમણાં હથેળી માંહે આ ધૂપછાંવ શું છે?