માર્ચ 21

વસંત આવી છે.
નવો યુગ આવ્યો છે.
નિંદ્રામાંથી જાગો અને આ સમયની અદ્દભૂતતા જુઓ, કારણ કે તમે જેમાં જીવી રહ્યા છો તે આ કાળ ખરેખર અદ્ભૂત છે.
જે કે બની રહ્યું છે અે સર્વમાં અત્યુત્તમ નિહાળો.
પરિવર્તન ની અપેક્ષા રાખો અને તેમની સાથે રહો.
એને અટકાવે એવું કશું તમારામાં ન હોય તે જુઓ.
જે નવું છે, અજ્ઞાત છે તેનાથી કદી ભય ન પામો.
નિર્ભયપણે તેમાં પગ મૂકો - એવી જાણ સાથે કે હું સદૈવ તમારી સાથે છું અને હું કદી તમને છોડી જઇશ કે તજી દઈશ નહિ.
દરેકેદરેક વસ્તુમાં મને પિછાણો,
મારો આદર - મારો મહિમા કરો.
જાણો કે તમે જેમાં ગતિ કરી રહ્યા છો તે સુવર્ણયુગ છે, એટલે અત્યારે જે પરિવર્તનો થઈ રહ્યા છે તે વિશે ચિંતા ન કરો કે તેની સામે સંઘર્ષ ન કરો.
તેજોજ્વલ પ્રભાત પહેલા ગાઢ અંધારું આવે જ છે.
પ્રભાત ઉગી રહ્યું છે.
અે સંપૂર્ણ લયમાં ઊગી રહ્યું છે.
એને ઊગતું કોઈ અટકાવી શકે તેમ નથી.
સમગ્ર વિશ્વ આ સંપૂર્ણ લયમાં કામ કરે છે તો તમે શા માટે નહિ??
'ઊઘડતાં દ્વાર અંતરનાં' પુસ્તકમાંથી સાભાર.