ગુરુવાર, 21 એપ્રિલ, 2022

એપ્રિલ 21 | ઊઘડતાં દ્વાર અંતરનાં

એપ્રિલ ૨૧

દુનિયામાં દરેકેદરેક વ્યક્તિ માટે સ્થાન છે, પણ તમારું સ્થાન ક્યાં છે અને તમે ક્યાં બંધ બેસો છો તે તમારે શોધવું ને પામવું જોઈએ. નવું લઈ આવવાની જવાબદારી ઉઠાવતાં તમે ગભરાતાં હો, તો જે લોકો એ કરવા તૈયાર છે તેમને અટકાવવાનો પ્રયત્ન કરતાં નહિ. બરોબર સમજી લો કે જે લોકો આ કાર્ય ઉપાડવાને પ્રેરિત થયાં છે, ને તે માટે પ્રશિક્ષિત થયાં છે તેઓ એ ક૨શે જ, કારણ કે એ તેમનું કામ છે. સમગ્ર વિશાળ યોજનામાં તમારું સાચું સ્થાન ક્યાં છે તે શોધી કાઢો અને એમાં તમે પહેલી હરોળમાં ન હો, તો તેથી ક્ષુબ્ધ ન થાઓ. યાદ રાખો કે સમગ્રની રચના માટે બધા પ્રકારનાં લોકોની જરૂર પડે છે. તમારું જે વિશેષ ચોક્કસ કામ છે તે બસ સ્વીકારો અને તમારું જે કાર્ય કરવાની તમને ખબર છે, તે પૂરું હ્રદય રેડીને કરો. જે લોકો જવાબદારી અને નેતૃત્વના પદે મુકાયેલા છે, તેમને આગળ જવા દો. તેમને પૂરો ટેકો અને સંપૂર્ણ વફાદારી આપો. તેમને એની જરૂર છે અને એની કદર છે. એમને માટેનાં કૃતજ્ઞતા, પ્રશંસા અને ઊંડા પ્રેમથી હૃદયને ઉન્નત બનાવો અને હંમેશાં, તમારું જે ઉત્તમોત્તમ છે તે આપો.
ખુશ રહો.

ગુરુવાર, 3 ઑક્ટોબર, 2019

વરસાદ અને સ્વાર્થી લોકો

છેલ્લા કેટલાંક દિવસોથી વરસતાં ધોધમાર વરસાદને આજે વહેલી સવારે હથેળીમાં લીધો ત્યારે એ કંઈક શીખવી ગયો....

આજનો વરસાદ શીખવી ગયો કે
તમારું જયાં, જેટલું કામ હોય અને એ પૂરું થાય એટલે ત્યાંથી તાત્કાલિક નીકળી જવું. નહીંતર તમારું માન તો ઘટે જ પણ ઉલ્ટાનું ગાળો ખાવાનાં પણ વારા આવે...

વરસાદે કહ્યું, "આજનાં લોકો ખૂબજ ગણતરી બાજ છે. લોકોને તમારું જેટલું કામ હશે એટલો જ તમારો સ્વિકાર કરશે..."

વધુ વખત ઘરમાં લાશ પણ ન રાખવા ટેવાયેલી આ માણસ જાત કોઈને વધુ વખત યાદ પણ રાખી શકતી નથી...!!

અંગ્રેજીમાં એક વાત છે,
Everything in this world,
cross the limits,
becomes poison...

મર્યાદાની બહારનું બધુ જ ઝેર છે.
એ પ્રેમ હોય,
નફરત હોય
કે પછી વરસાદ.

આપણને બધાને કોઈ પણ પ્રવૃત્તિમાં દાખલ થતાં ખુબજ સુંદર રીતે આવડે છે પરંતુ એમા કેટલો સમય રહેવું અને ક્યારે નીકળી જવું એનો વિવેક આપણી પાસે નથી હોતો અને એટલે જ પરિણામ એ આવે છે કે આપણી વિદાય સુખદ હોવાને બદલે પીડા દાયક વધુ રહે છે...

૨ મહિના પહેલાં જેની કાગ ડોળે રાહ જોતાં હતાં એવાં વરસાદની આજે જવાની પ્રાર્થના કરીએ છીએ...

કદાચ આને જ 'વહેવાર' કહેતાં હશે...!!

આપણે એટલું ખાસ સમજી લેવું કે આપણે પણ આ પૃથ્વી પર વરસાદ જેવાં જ છીએ.
જેવું કામ પૂરું થયું કે તરત 'Pack-up' .
#ViaWhatsApp  #Sanskritwala

સોમવાર, 27 મે, 2019

ફાયર એસ્કેપ બાબત જાગૃતિ.

સૂરતના ટ્યૂશન ક્લાસિસ અગ્નિકાંડની દૂઃખદ ઘટના બાદ લોકોમાં પણ “ફાયર ઍસ્કેપ” બાબતે જાગૃતિ જરૂરી છે.

ઘર, હૉટેલ, મૉલ જેવી બિલ્ડીંગની આગમાં ઘેરાઇ જાઓ ત્યારે નીચેની તકેદારી રાખો.

(૧) સળગતી આગમાં ઘેરાઇ જાઓ ત્યારે સૌથી પહેલી અને સૌથી અગત્યની બાબત એ છે કે રઘવાયા (પેનિક / panic) ના થઇ જાઓ બલ્કી તરત દિમાગ ચલાવીને બચવાના પ્રયાસો વિશે વિચારી લો. રઘવાયા થવાથી તમારા કાર્યક્ષમ નિર્ણયોના બદલે તમે અવળો નિર્ણય લઇ બેશો એની પૂરી શક્યતા છે.

(૨) તરત જ નજીકના નિકાસ દ્વાર સુધી પહોંચો. નિકાસ દ્વાર પર જ જો આગ લાગી હોય તો તેનાથી દૂરના દરવાજા-બારીનો ઑપ્શન વિચારી લો.

(૩) પાણીની સગવડ ઉપલબ્ધ હોય તો સમગ્ર કપડાં પલાળીને ભીના થઇ જાઓ જેથી આગમાં જલવાની શક્યતાને ઘટાડી શકાય. ભીના રૂમાલ/દુપટ્ટાને મોઢા આગળ વિંટાળી લો જેથી માથું સલામત રહી શકે અને ભીના રૂમાલ દ્વારા શ્વાસ લેવાથી ધુમાડો શ્વાસમા આવી જવાની ઘટનાથી બચી શકો.

(૪) આગની દુર્ઘટના વખતે લોકો આગ થી નહીં પણ ધૂમાડાથી બેહોશ થઇને વધુ મરે છે. તેથી રૂમમાં ફેલાયેલા ધૂમાડાથી બચવા જમીન સરસા પડી જાઓ. ધુમાડો હંમેશા રૂમમા ઉપર તરફ ઘેરાયેલો હોય છે. ફ્લૉર લૅવલે તમને જરા વધુ શ્વાસ લેવાની શક્યતા મળશે. મગરની જેમ ક્રાઉલીંગ કરતા જઇને નિકાસ દ્વાર તરફ જાઓ.

(૫) ઘરમાં / હોટલમાં હો તો બાથરૂમ તરફ જાઓ. શાવર અને ઍક્ઝોસ્ટ ફેન ચાલુ રાખો. બાથટબ હોય તો તેને પાણીથી પુરૂ ભરી દો જે તમને આગની જ્વાળાથી બચાવશે.

(૬) અગ્નિશામક સાધનો/ ફાયર એક્સ્ટીંગ્વીશર વાપરતા ના આવડતું હોયતો તેનાથી આગ ઓલવવાના પ્રયત્નમાં સમય ના બગાડો, પણ જલ્દી તે આગવાળી જગ્યા છોડી દો.

(૭) લિફ્ટ નહીં પણ સીડીનો ઉપયોગ કરો એ તો સૌથી વધુ કોમન સૂચના છે પરંતું યાદ રાખો કે ચાલુ આગમાં જેમ બને તેમ નીચેના ફ્લૉર પર જાઓ. ગ્રાઉન્ડ ફ્લૉર તરફ જવાથી બચવાના ચાન્સ વધુ રહે છે કારણકે ઉપરના માળ તરફ જવાથી તો આગની જ્વાળાઓ અને ધુમાડો વધુ ને વધુ ઉપરના માળે ફેલાશે.

(૮) દરવાજો/બારી ખોલતા પહેલા ચોક્કસ થાઓ કે તેની પાછળ આગ લાગી નથી, અને પાછળ ધુમાડો નથી. કદાચ એવું બને કે દરવાજો /બારી ખોલતાવેંત આગની લપકતી જ્વાળા અથવા ધુમાડો અંદર ધસી આવે. આવા સંજોગોમાં ધુમાડો અંદર ના પ્રસરે તે માટે દરવાજાની નીચેની ફાટમાં પગલૂંછણીયું, કપડાં કે ન્યુઝપેપર ભરાવીને ફાટ પૂરી દો.

(૯) પાટિયા, દોરડા, કપડાં, ચાદર, પડદા, દુપટ્ટા જેવા જે હાથ લાગે તે સાધનોથી લટકીને નીચેના માળ/સલામત જગ્યા તરફ જવાની કોશિશ કરો. બિલ્ડીંગમા ફીટ કરેલી પાણી/ગટરની પાઇપલાઇન પકડીને સાવચેતીથી સલામત સ્થળે સરકવાની કોશિશ કરો.

(૧૦) કોઇ રસ્તો નથી બચ્યો અને તમારે જો અમુક ઊંચાઇએથી કુદવું જ પડે તેમ છે તો પ્રમાણમા ખૂલ્લી જગ્યા જોઇને એવી રીતે ઉભી દિશામા કૂદો કે તમારા પગ જમીન પર પહેલા આવે. જમીનને સ્પર્શ થતા વેંત તરત
ઘુંટણથી પગ bend કરી દો એનાથી ઘુંટણમાં ઈજા ઓછી થાય છે અને ગૂંલાટ મારીને રોલ થઇ જવાની માનસિક તૈયારી રાખીને કુદવું. તમારું પોતાનું વજન વત્તા ઉંચાઇથી મારેલો કુદકો આખરે તમારા શરીરનું તેજ મોમેન્ટમ બનાવે છે. જમીન પર પડતાવેંત ગુંલાટ મારી દેવાથી મોમેન્ટમા ભેગી થયેલી સમગ્ર ઉર્જા બિખેરાઇ જાય છે અને શરીર ને વધુ મોટા પ્રમાણમા અસ્થિભંગ થવાથી બચાવે છે.

ફાયર એસ્કેપના આ નિયમો વાંચીને યાદ કરી રાખો. ફેમિલી સાથે ચર્ચા કરો ને બધા પોઇન્ટ યાદ કરી રાખો.
સાવચેતી એ જ સાવધાની.

શનિવાર, 12 જાન્યુઆરી, 2019

શ્રી સાંગાબાપા ગૌશાળા - સાવરકુંડલા

સાવરકુંડલામાં વિજયનગર રોડપર આવેલી શ્રી સાંગાબાપા ગૌશાળા એટલે જાણે ગૌમાતા માટેનું સ્વર્ગ.
શ્રી નારાયણ ચેરીટેબલ ટ્રસ્ટ દ્વારા સંચાલિત આ ગૌશાળાની આગવી ખાસિયત એ છે કે તેમાં ફક્ત બિમાર, અશક્ત, લુલી, લંગડી, કૅન્સર ગ્રસ્ત ગાયોની એકદમ નિઃસ્વાર્થ ભાવે સેવા કરવામાં આવે છે.
ગૌશાળાના આ નિઃસ્વાર્થ સેવા યજ્ઞ ની સાથે સાથે શ્રી સાંગાબાપા અન્નક્ષેત્ર પણ ચાલી રહ્યું છે જેમાં 24 કલાક ભુખ્યાને નિઃશુલ્ક અને ભરપેટ ભોજન મળી રહે છે.
સાથે સાથે સાંગાબાપા પક્ષીતીર્થ પણ આ જ ગૌશાળાના પ્રાંગણમાં આવેલું છે. જેમાં ઘાયલ પક્ષીઓની સારવાર તથા પાલન પોષણ થાય છે.
નિઃસ્વાર્થ ભાવે ચાલતી આ ગૌશાળા અત્યંત આધુનિક ટેકનોલોજીથી સજ્જ છે.
આખી ગૌશાળા સંપૂર્ણ પણે CCTV કેમેરાની નજર હેઠળ છે. તથા ગૌમાતાને આનંદ આવે એ હેતુથી ગૌશાળામાં ઉત્તમ પ્રકારની સાઉન્ડ સિસ્ટમ લગાવેલી છે જેમાં વહેલી સવારે વાંસળી-વીણા-પખાવજ-મૃદંગ વગેરે ભારતીય શાસ્ત્રીય સંગીત વગાડી ગૌમાતાને સંભળાવવામાં આવે છે.
આ ગૌશાળાની ભૂમી એટલી પાવન છે કે અંદર પ્રવેશતા જ આપણને આધ્યાત્મિક શાંતિનો અનુભવ થાય જ.
વિશેષ વાત તો એ છે કે આ ગૌશાળા ફક્ત ને ફક્ત બિમાર ગૌમાતાની સેવાના ઉદ્દેશ્યથી જ બનાવેલી હોઈ આ ગૌશાળામાં એકપણ દુજણી ગાય રાખવામાં આવી નથી. જેથી કરી ને નિઃસ્વાર્થ ભાવે સેવા કરતા આ ગૌશાળાના ટ્રસ્ટી શ્રી જનાર્દન ભાઈ તેરૈયા સહિત સૌ આગેવનો પોતાના ઘર માટેનું દૂધ પણ વેચાતું લઈ રહ્યા છે.
આવી સુંદર અને ગાયોમાટે સ્વર્ગ સમાન ગૌશાળાની એકવાર અચૂક મુલાકાત લઈ ત્યાંની સેવા પ્રવૃત્તિઓ નિહાળવા જેવી છે.
ગૌપૂજન-દર્શનનો લ્હાવો લેવા તથા ગૌસેવા માટે દાન આપવા સંપર્ક કરો
મેનેજીંગ ટ્રસ્ટી શ્રી જનાર્દનભાઈ તેરૈયા.
મોબાઈલ નં. 9998909791
ટ્રસ્ટી શ્રી નીરવભાઈ જાની
મોબાઈલ નં. 9974102117

ફૂલ નહીં તો ફૂલની પાંખડી રૂપી દાન આપવા નમ્ર અનુરોધ કરીયે છીએ.

આ ગૌશાળાને આપેલ દાન ઇન્કમટેક્સની કલમ 80-G હેઠળ 100% કરમુક્તિ ને પાત્ર છે.

બેંક વિગત:-
ખાતા નં.37316447540
સ્ટેટ બેન્ક ઓફ ઇન્ડિયા,
દરબાર ગઢ શાખા,
સાવરકુંડલા-364515

આભાર.

સોમવાર, 17 ડિસેમ્બર, 2018

આપનો અભિપ્રાય.

નમસ્કાર મિત્રો.
આપના તરફથી એક નાનકડી મદદ જોઈએ છે.
આશા છે કે આપ જરૂર મદદરૂપ થશો.
સંસ્કૃતભાષાના પ્રચાર પ્રસાર માટે મેં બનાવેલી યુટ્યુબ ચેનલ Sanskritwala
તથા મારો બ્લોગ www.niravjani.in વિષે આપનો અભિપ્રાય જોઈએ છે.

નીચેની લિંક પર ક્લિક કરી આપ ગુગલ ફોર્મમાં માહિતી ભરી મને પ્રોત્સાહિત કરશો તેવી વિનંતી.

અભિપ્રાય આપવા નીચેની લિંક  ક્લિક કરશો.  

https://bit.ly/2EztEc1

આભાર.

આપને જણાવતા આનંદ થાય છે કે
www.niravjani.in એ પ્રાથમિક શાળામાં સંસ્કૃત ભાષા શિક્ષણમાટે ગુજરાત રાજ્યનો એકમાત્ર મહત્વપૂર્ણ ઓનલાઈન સ્ત્રોત છે.

શનિવાર, 30 જૂન, 2018

શુક્રવાર, 13 એપ્રિલ, 2018

મોગલ વંદના

તું આગળ તું પાછળ મોગલ
તું નભ ને ધરતીમાં
તું જળમાં તું સ્થળમાં મોગલ
તું અંતર મધુવનમાં,

તુજ પાસે કોઈ આવે મોગલ
ખાલી હાથ ન જાવે,
માંગે જો કોઈ ખોબો મોગલ
તું દરિયો દઈ જાયે...

તારી પાસે આવતું છોરું
મા - મા કરતું રડતું
તારા અંતર આશિષથી એ
વાહ - વાહ કરતું જાતું...

તુજને બોવ શુ કહેવું મોગલ
તારા છોરું છઇયે,
લળી લળી , બે હાથ જોડીને
તુજને વંદન કરીએ,
હે મા ! તુજને વંદન કરીએ,
મોગલ ! તુજને વંદન કરીએ...

કુળદેવી મા મોગલના ચરણે
નાની એવી ભેટ...

સંસ્કૃત સંભાષણ શીખો !

Sanskritwala's संस्कृत संभाषणम् Sanskritwala's संस्कृत संभाषणम् ...